只係小妹一段回憶, 希望借此分享及舒發當年驚嚇心情, 雖然家人唔信, 但係的確發生過。
1) 柳樹(修改版)
背景~~~以前係住村屋, 仲係木屋果種, 父母初時係務農, 一家人係住係村尾, 因為個圖劃得唔好, 可以口述個環境, 由村口到我屋企要行成15-20分鐘, 落斜再落斜先到, 九曲十三灣la~ 屋企地形係一個長方形, 點講好呢???正前方係主屋左右同前方都係豬棚、雞棚... 中間係個正方形空地, 有棵柳樹係正中心, 近主屋有個井, 全部用圍網包圍, 在我左邊豬棚後即圍網外, 還有一塊種菜田同包圍圍網內面積係一樣大小, 因為我係最尾個戶只有一戶鄰居相依, 其如都只係菜田, 非常孤立, 通常會24小時開燈同收音機怕有小偷大賊, 當我上小學時, 已經唔養豬, 只有養幾隻雞, 種d菜自給自足, 同養左好多隻貓, 本來果種地方應該養隻狗至岩, 但係發生左件事.....
以前住鄉村鄉民來講, 狗係日夜睇門口, 除左防賊外, 仲多左樣, 佢地睇到一d我地平時唔會睇到d野, 通常反應係吠叫咆哮聲同長悲鳴哭叫聲, 前者幾隻狗向住一個乜都冇地方或方向吠叫咆哮時, 小時候大人話係驅趕污糟野, 後者幾隻狗悲鳴哭叫聲, (通常消防或救護車響號經過時) 大人話係睇到悲慘事..., 總之就心寒, 依稀記得在我小時候有段時間d狗成日晚晚都會向住棵柳樹亂吠亂叫, 因為習慣早睡 8,9點我已經睡, 但係果幾晚真的好嘈, 爸要出去張d狗鎖左一角, 唔知係乜原因, 我突然覺得好想起身睇下, 便由窗口望去, 發現d狗發狂亂咬亂跑, 冇法止控制, 我隱約見到柳樹下有d 野, 因為柳枝係好似頭髮咁, 一條條向下垂落地, 隨風擺動, 如果有人企係裡面, 只會隱約見到身影。
平時我地有修剪, 唔會太長亦唔會太密, 只見好似有個長頭髮女人垂低頭在樹下, 看不到臉孔, 可能當時太驚, 未睇清楚衣著及下身, 一連幾晚都會聽到狗吠, 終於我忍唔住同父母講, 父聽到後探頭看去柳樹到, 亦有出去查看, 擔心有賊偷偷躲藏起來辨鬼辨馬真係劏死牛冇人知, 只係連續幾晚聽到狗吠聲出去睇及用手電筒到處照沒有任何發現後, 叫我唔好玩大人佢地亦唔信係鬼, 無幾耐有一兩隻狗走左失蹤, 父母話隻狗跑左去人地菜田, 可能被人打死(因為菜田等於錢, d菜爛左邊個會買), 最後果隻狗咬傷人, 要坐的士由新界送去九龍檢驗有冇狂犬病, 雖然冇病, 但要人道殺死, 自始不再養狗, 而棵柳樹不到幾年, 生太多虫鋸左用石矢封好.........
