地點:大埔xxx
故事講起關於16年前既事,上個星期我去到xxx旁邊河流工作,因為本人係做裝修的,河邊岩岩起左間新屋,咁我就係間新屋到工作,做做下野既時候,突然間天開始好黑,之後落雨,我就冇理到,我係屋入面繼續工作,忽然,我聽到河邊有人係到喊,咁好奇的我,伸頭出去睇下,一望之下,比我見到一個女人係河邊梭頭,咁我就覺得好奇怪,咁大雨同d河水都開始水漲,點解個女人仲係到呢,咁我咪大叫佢,小姐,妳仲唔走,點解一個人係河邊梭頭啊,佢第一次冇理我,咁我再大聲d叫佢,喂,仲唔走,d水越黎越大,佢都係冇理我,突然間,有個隔離屋個婆婆走黎問我,妳叫咩啊,咁我咪話有個女人係河邊梭頭,我仲叫佢tim,婆婆一聽到,立即拉我入返屋(因為我係露台)我問婆婆咩事啊,佢同我講,你見到個位,唔係人,係鬼,我面色一變,再問婆婆,妳講真既,婆婆點頭,我問佢點解會知,佢話係16年前,有一個少女途徑呢條河個時,岩岩就係落梗雨,個女仔橫過條河個時,突然間,河水暴發,就係咁,沖左個女仔走左,當時附近d居民聽到佢既叫聲,都趕唔切,只好報警,警察同消防黎到,因為河水太大,冇法去拯救,咁當時只好等天氣好d同河水冇咁大先去搵啦,一等就等左4-6個小時,終於可以去救人啦,消防員一路由河邊搵,一路搵到去下游,終於搵到啦,不過搵到既唔係一個完全既人,係比一舊大石壓著的少女,少女個頭壓到爛晒,件事發生左之後咁耐,都有好多人好似你咁,見到佢,不過d人通常叫佢一,二次都唔應,不過第三次佢就會望過黎,但你只會見到的,係一張爛面,我聽完婆婆講完之後,我真係唔敢再望出去,硬著頭皮繼續工作.........記得睇完要回啊,唔係個少女夜晚會黎搵你啊
