91年我在台湾读紧最后一年大学，果度个个留学生都深受当地的电单车文化影响，唔拥有一架都唔安乐。我都唔例外。

呢一晚，我在学校图书馆温习至十二点左右，先骑电单车离开回家。我住的地方偏僻，要经过一条山路先至到。虽然好倦，但仍然好清楚见到前面条路。

由于想可以早点休息，今晚我开得比平时快。突然眼前有一只唔知系边度跑出的狗。为了避开佢，我立即杀掣转胎，结果撞左埋山。

好奇怪，在高速驾驶下紧急杀掣，仲撞埋车。理论上重则应该车毁人亡；轻则都要被送院观察。但我居然可以自己企返起身，电单车仍丝毫无损。

返到屋企，冲完凉正想入睡的时候，一阵巨烈的震动将我摇醒。我即刻转身将台头灯开着，震动就停了。睇睇个钟后又熄灯再睡，至于头先的震动，我谂住可能系地震。呢种微震在台湾好普遍。

合埋眼唔够两分钟，震动又再出现。睁开眼，见到天花板上有个十几岁的白衣男子飘吓飘吓。我个心系度震，但全身动弹不得，想走都走唔到，呼吸亦有困难。

个男子飘到我眼前，近距离见到佢块面系绿色，好吓人。我用尽力挣扎想离开，但又感到有股力量将我全身按住，将我个嘴封住。白衣男子更在我张毛毯里游来游去，心谂：「天啊！究竟佢系边个？点算好？」唯一方法，就系令自己快点入睡，当乜事都冇。慢慢又感到个男子已经离开，手脚亦可郁动。

第二朝一起身，我即刻打电话返香港搵我爸爸，因我爸爸系个相信神佛的人，我将寻晚的事讲畀佢知后，佢就叫我在今日内尽快到庙拜一拜，添点香油，同搵个法师问吓，佢都觉得事不简单。

我冇返学，立即走到一间庙，跟住爸爸的指示做，搵左个法师，讲出一切。法师算一算后，话那个系我前世的细佬，因为佢挂住我，想见我，先至来搵我。

法师仲话佢因为上世的业障未修完，到而家仲未能投胎轮回，仲有寻晚的车祸亦因佢的存在，我先至平安无事。

听完后我心有不安，唔知点先帮到佢。唯一希望就系佢可以尽快投胎，唔再飘流人间受苦。