ADJ網路實驗室 - Powered by Discuz! Board

標題: 陰沉老人院 [打印本頁]

作者: naoki232 時間: 2011-8-16 22:59 標題: 陰沉老人院

我婆婆今年70歲，佢體弱多病，又有老人痴呆症，好需要人照顧。但佢的仔女全部都要返工，一系要照顧屋企，冇人得閒睇住佢。佢地經過商量後，決定送婆婆去老人院，起碼有人日夜服侍佢。

過年前，我姑媽諗住帶埋個只有４歲的女玲玲去探一探婆婆，然後去旅行避年。患左痴呆症的的婆婆完全唔認得佢地，對住玲玲呢個孫女又冇反應，玲玲唯有好冇癮咁同媽媽講話到出面等佢。

過左大約一個鐘，姑媽出來準備同玲玲離開。佢見玲玲當時發呆咁坐在張石凳度，叫佢又冇反應。玲玲的視線望住老人院門口，於是姑媽亦轉頭睇睇佢望緊乜野。

有陰陽眼的姑媽見到有一團黑的洘罩住老人院門口，佢心知不妙，又怕個女會有事，於是立刻帶佢離開。返到屋企後，玲玲又好似正常返。但當姑媽問佢頭先發生乜事，見到乜也令佢發呆，玲玲就好似失憶咁話冇事發生過，乜都唔知，連自己坐?張石凳度發呆都唔知。

點知恐怖的事就在那晚發生。大約午夜十二點，姑媽聽到玲玲在房度大叫大喊，於是衝過去睇睇。玲玲好似發左癲咁在間房度亂叫亂亂擲，姑媽立即制止佢，見到玲玲變左個阿婆樣，姑媽當堂嚇呆左。

姑媽自小有應付鬼的經驗，知道玲玲鬼上身，立即將條佛珠掛上佢條頸，一邊抱住佢一邊念佛經。玲玲立刻平伏落來，好快就訓左，個樣慢慢變返本來面目。自此，姑媽再唔敢帶玲玲去探婆婆。

歡迎光臨 ADJ網路實驗室 (http://dz.adj.idv.tw/)