ADJ網路實驗室 - Powered by Discuz! Board

標題: 校園鬼故事 - 全部真人真事 [打印本頁]

作者: simon81620 時間: 2010-11-6 22:23 標題: 校園鬼故事 - 全部真人真事

我以前讀cityu, 聽過兩個故事:

第一個係讀建築的朋友說的。讀建築的學生很多時會留o係lab繪圖，好夜先走的。有一日我個朋友同佢同學留到好夜，一齊走時，初頭都有說有笑的。但傾傾下我朋友見佢同學面色鐵青，不發一言。走出校門之後，個同學話佢聽到有人o係耳邊叫佢個名，叫左幾次。同學當然唔敢回應啦~ 到佢地去到樓下，那把聲仲同佢講byebye。

聞說建築系的toliet死過人，好似係建校初期有個工人跌死左。而事發地點係blue zoon 6樓。

第二個故事係一個上莊同學仔講o既。佢個club有活動要搞，咁佢同兩個member去左活動大樓做一d準備工作，又係做到好夜。我同學同個member去左後樓梯度噴油，噴噴下佢地都聽樓上有聲，係好多人咁。開頭佢地唔為意，但諗諗下佢地樓上係應該冇人！(因為學生活動室好似係去到七樓, 七樓以上係琴室定係乜...總之係冇人)於是佢地兩個人就拿拿臨走。聞說唔止一個學生聽過活動大樓夜晚有「人」開 p。

第三個，由polyu的朋友提供。
有一次朋友的學姐好夜先走，在平台遇到同學。他們在那處談了一會就分開。學姐向tst方向行，而那同學向kcr方向行。學姐行到tst方向的樓梯，下到一半時，佢見到那同學在樓梯下面向她招手！學姐很快就聯想到是...於是她跑下樓梯，衝過左個同學直跑去巴士站。第二天，那同學走去同學姐講：「做乜我琴晚向你揮手你扮睇我唔到？」學姐說：「昨晚你在那見到我？」「我在樓梯見到你呀！」

那麼，和她談話的是誰？

歡迎光臨 ADJ網路實驗室 (http://dz.adj.idv.tw/)