查看完整版本: 台灣趣味俚語

台灣趣味俚語

一人一家代，公媽隨人拜<br />
一人主張，唔值兩人思量<br />
一代娶矮某，三代出矮股<br />
一代親，二代表，三代毋識了了<br />
一句話，三斤六重<br />
一句話，三尖六角<br />
一年，換二四個頭家<br />
一枝草，一點露<br />
一返一，二返二<br />
一個某，卡好三仙天公祖<br />
一個錢，扑二四個結<br />
一兼二顧，摸蜊仔兼洗褲<br />
一隻牛，剝雙領皮<br />
一粒米，百粒汗<br />
一等二靠三落空，一想二做三成功<br />
一頓久久，兩頓相拄<br />
一嘴，掛雙舌<br />
一樣生，百樣死<br />
一樣米，飼百樣人<br />
一錢、二緣、三水、四少年、五好嘴、六敢跪、七皮、八棉爛、九強、十敢死<br />
一聲毋知，百聲無代<br />
人來才掃地，人去才泡茶<br />
人情世事陪夠夠，無鼎閣無灶　<br />
七月半鴨，毋知死活<br />
了錢生理無人做，邰頭生理有人做<br />
人生親像大舞台，苦齣笑科攏公開<br />
人在做，天在看<br />
人情留一線，日後好相看<br />
入門看人意，出門看山勢<br />
三人共五目，日後無長短腳話<br />
三分水，七分妝<br />
三斤貓，咬四斤老鼠<br />
三年一閏，好歹照輪<br />
三年官，二年滿<br />
三歲乖，四歲歹，五歲押去邰<br />
上山觀山勢，入門看人意<br />
也著神，也著人<br />
乞食，趕廟公<br />
千算萬算，毋值天一劃<br />
大目新娘找無灶<br />
大隻雞慢啼<br />
小貪，鑽雞籠<br />
己擔肥，毋知臭<br />
天公疼憨人<br />
公媽疼大孫，父母疼細囝<br />
少年袂曉想，吃老毋成樣<br />
天頂天公，地下母舅公<br />
互相漏氣，求進步<br />
心歹無人知，嘴歹上厲害<br />
心肝若好，風水免討<br />
日頭赤炎炎，隨人顧性命<br />
歹囝，會飼爸<br />
歹竹，出好筍<br />
歹戲，拖棚<br />
父老子幼<br />
台灣錢，淹腳目<br />
奴欺主，吃無久<br />
扑人，喊救人<br />
扑狗，無帶著主人<br />
扑破人姻緣，七代散<br />
扑斷手骨，顛倒勇<br />
未生子，先號名；未娶某，先娶妾<br />
未先學行，先學飛；未先種籽，先挽瓜<br />
未食五月節粽，破裘毋甘放<br />
未起正身，先起護龍<br />
未娶某，毋通笑人某善走；未生子，毋通笑人子善哮<br />
甘願予賢人做奴才，毋替頇顢的做軍師<br />
甘願做牛，免驚無犁通拖<br />
甘願得失頭前，毋可得失後壁<br />
生囝師仔，飼囝師父<br />
生言造語，無刀殺人<br />
生的，請一邊，養的，恩情卡大天<br />
生食都無夠，那有可曝乾<br />
目睭，看高，無看低<br />
吃人一斤，也著還人四兩<br />
吃米，毋知米價<br />
吃魚吃肉，也著菜佮<br />
吃飯扒清氣，才袂嫁貓翁<br />
吃飯吃阿爹，賺錢積私家<br />
吃飯吃碗公，做事閃西方<br />
吃緊摃破碗<br />
囝仔人，有耳無嘴<br />
在生食一粒土豆，較好死了拜一個豬頭<br />
在生無人認，死了歸大陣<br />
好子毋免濟，濟子餓死父<br />
好子好仡跎，歹子不如冇<br />
好歹在心內，嘴唇皮相款待<br />
好田地，不如好子弟<br />
好酒沈甕底<br />
好頭好面，臭尻川<br />
有功無賞，扑破著賠。<br />
有狀元學生，無狀元先生<br />
有食藥，有行氣；有燒香，有保庇<br />
有量，著有福<br />
有錢講話會大聲，無錢講話無人聽<br />
死皇帝，毋值活乞食<br />
西瓜偎大邊<br />
作田愛有好田底，娶新婦愛揀好娘嬭<br />
你看我浮浮，我看你霧霧<br />
別人的子，死昧了<br />
狗母若無搖獅，狗公毋敢來<br />
近山剉無柴，近溪擔無水<br />
俗物，無好貨<br />
咬人狗，袂吠<br />
恬恬，吃三碗公半<br />
昧曉按絃，顧絞線；昧曉唱曲，顧噴涎<br />
昧曉駛船，嫌溪彎<br />
是毋是，罵家己<br />
某大姊，坐金交椅<br />
省事，事省<br />
看人擔擔，免出力<br />
看命無褒，吃水都無<br />
若無一擺戇，路邊那有「有應公」<br />
衫著新，人著舊<br />
迫虎，傷人<br />
食人一口，報人一斗<br />
食人一斤，嘛著還人四兩<br />
食冇三日清齋，就想欲上西天<br />
食果子，拜樹頭；食米飯，敬鋤頭<br />
食菜子，著拜樹頭<br />
食飯皇帝大<br />
食飯配菜脯，儉錢開查某<br />
食碗內，洗碗外<br />
食飽換枵<br />
冤家，路頭狹<br />
家己邰，賺腹內<br />
家己栽一欉，卡贏看別人<br />
家己無肉，怨人大尻川<br />
時到時擔當，無米煮蕃薯湯。<br />
神仙扑鼓有時錯，腳步踏錯誰人無<br />
紙頭無名，紙尾無字<br />
翁仔某是相欠債<br />
翁婆，翁婆，床頭扑，床尾和<br />
臭耳人，爻彎話<br />
荏荏馬，也有一步踢<br />
起厝無閒一冬，娶某無閒一工，娶細姨無閒一世人<br />
酒醉，誤江山<br />
做人著認真，做事著頂真<br />
做牛著拖，做人著磨<br />
做著歹田望後冬，娶著歹某一世人<br />
做戲的卜煞，看戲的毋煞<br />
偷吃，無擦嘴<br />
娶婊做某，毋通娶某做婊<br />
得失土地公，飼無雞<br />
掟驚死，放驚飛<br />
掠龜走鱉<br />
教豬教狗，不如家己走<br />
盛囝不孝，盛豬舉灶<br />
眾人放尿攪沙，昧做堆<br />
細孔毋補，大孔叫苦<br />
細孔毋補，大孔叫苦<br />
細漢父母生，大漢某生<br />
細漢偷挽匏，大漢偷牽牛<br />
軟土，深掘<br />
頂司管下司，鋤頭管畚箕<br />
魚吃溪水，人吃嘴水<br />
媒人喙，糊累累<br />
棚頂有彼款人，棚腳也有彼款人<br />
無行昧出名<br />
無彼個尻川，毋好食彼個瀉藥<br />
無冤無家，不成夫妻<br />
無魚，蝦也好<br />
無禁無忌，吃百二<br />
睏破三領蓆，掠君心肝袂得著飼老鼠，咬布袋<br />
緊事，寬辦<br />
買賣算分，相請無論<br />
趁錢有數，性命愛顧<br />
圓人會扁，扁人會圓<br />
嫁雞隨雞，嫁狗隨狗，嫁乞食背茭芷斗<br />
嫌戲無請，請戲無嫌<br />
愛水，毋驚流鼻水<br />
愛拼才會贏<br />
惹熊惹虎，毋通惹到赤查某<br />
愈扑，皮愈厚<br />
新娘轎扛到，才想欲縛腳<br />
會賺，也著會曉開<br />
誠意，吃水甜<br />
過時，賣曆日<br />
過橋卡儕你行路，吃鹽卡儕你吃米<br />
飼囝無論飯，飼爸毋算頓<br />
緊紡無好紗，緊嫁無好大家<br />
靠山山會崩，靠水水會焦<br />
嫷人，無嫷命<br />
嫷醜無塊比，佮意較慘死<br />
橫柴舉入灶<br />
樹身企有在，毋驚樹尾做風颱<br />
燒磁食缺，織蓆睏椅；裁縫師傅穿破衫，做木匠的無眠床<br />
膨風水蛙，割無肉<br />
輸人毋輸陣，輸陣歹看面<br />
錢四腳，人兩腳<br />
頭興興，尾冷冷<br />
龜笑鱉無尾<br />
憨入，無憨出<br />
濟牛踏無糞，濟某無地睏<br />
聰明一世，懵懂一時<br />
舉頭三尺有神明<br />
講一個影，生一個囝<br />
醜醜翁，吃袂空<br />
雜唸大家，會出慢皮媳婦<br />
雙手抱孩兒，才知父母時<br />
藤條揭上手，無分親戚敆朋友<br />
藥會醫假病，酒袂解真愁<br />
關門著閂，講話著看<br />
嚴官府，出厚賊；嚴父母，出阿里不達<br />
聽某嘴，大富貴<br />
驚驚昧著等<br />
驚某大丈夫，扑某豬狗牛