查看完整版本: 睇12星座理財能力！

睇12星座理財能力！

白羊座 <br />
<br />
白羊座係一個賺錢能力極強，但係同時又係駛錢能力極強的星座，佢不單止唔識理財，為人又衝動，shopping買貴價品諗都唔駛諗，講到投資都唔係咁有耐性，又唔鍾意聽人意見，所以就算逗幾多利是錢，落到佢手中只會冤枉來瘟疫去…最好的理財方面係放落定期、基金又或者凌存整富！ <br />
<br />
<br />
金牛座 <br />
<br />
拍埋白羊座度比較，金牛座屬於有搵錢能力不過唔係太強的星座，佢鍾意穩打穩紮賺錢，搵快錢同有賭博性的搵錢方法絕對唔係佢杯茶！好在金牛座唔鍾意亂駛錢，又唔介意慢吞吞又保守積少成多的理財方式，所以金牛座最好儲埋儲埋d利是錢，夠首期就拎去置業，又可以自住又可以保值！ <br />
<br />
<br />
雙子座 <br />
<br />
先唔好講雙子座的搵錢能力，剩係講佢的駛錢能力都榮登五大！雖然佢同獅子座瘋狂購物唔同，不過佢果種心血來潮乜都買d有時仲可怕！尤其係一有利是錢佢就更加身痕添！其實雙子座本身都有dd投資眼光，不過佢d神經質或多或少都會影響到佢的判斷，所以將d利是錢交畀理財顧問攪啦！ <br />
<br />
<br />
巨蟹座 <br />
<br />
咪睇巨蟹座成日慳住慳住寒寒酸酸咁，其實蟹仔係屬於山大斬埋有柴類形！賺錢能力有返咁上下不在話下，理財能力亦都好強，購物殺價左格右格唔亂駛錢唔在講，連投資賺快錢都可以成日有斬獲，只要唔好貪心將d利是錢穩穩陣陣投資，千祈咪貪心響街邊畀騙徒呃就得！ <br />
<br />
<br />
獅子座 <br />
<br />
同白羊座一樣，獅子座都係個好識賺錢同時亦都好叻駛錢的星座，而且佢比白羊座駛得更加無聊更加瘋狂，唔理名牌定平民貨都得一大餐，更加唔理到底有冇用，剩係去十蚊店都可以揀到成車係，所以一拆晒利是，最好就係即刻拎去買晒長線股票，短炒唔係唔得，不過要適可而止囉，就算係有偏 <br />
<br />
<br />
財運！ <br />
<br />
<br />
處女座 <br />
<br />
唔駛多講係人都知道講到理財排行榜處女座一定會榜上有名，無錯，處女座係好識得管錢，而且好鬼有計劃，就算有咩閃失令佢跌出百萬富豪行列，不過憑住堅毅不屈，話咁快又會做返百萬富豪！利是錢最好的處理方法都係穩穩陣陣咁存埋佢啦，事關處女座一向投資運都麻麻地，咪攪咁多啦！ <br />
<br />
<br />
天秤座 <br />
<br />
除非本身係做金融業，否則大部分的天秤座都唔係咁識得理財；仲要加上天秤座天生就鍾意駛錢，一方面要美化外表，例如買靚衫；另一方面又要享受，例如用最柔軟的床單…全部都係高銷費，好彩的有賺錢能力都可以用突利是錢咪自己畀，唔好彩的天秤座就好易碌爆咭！最佳的理財方法都係交畀個信得過的人啦！ <br />
<br />
<br />
天蠍座 <br />
<br />
咁多個星座之中，要數最善於理財的天蠍座一定排頭3位，天蠍座理財勁的地方唔止係佢得搵錢，佢更加識得響人身上賺錢同錢搵錢，真係同識生金蛋冇乜分別；不過可能因為佢賺錢實在太輕易，所以導致佢成鬼日駛埋d無謂錢最慘係佢自己唔覺得喎，例如冇端端畀幾萬蚊去瘦身結果只係做過一次…與其亂用，不如將d利是錢做生意錢搵錢仲好！ <br />
<br />
<br />
人馬座 <br />
<br />
人馬座算係一個賺錢能力同駛錢能力平衡的星座，屬於辛苦搵到又捨得駛，又唔會駛突，其實人馬座的投資眼光亦都唔差，不過不拘小節加上成日嫌麻煩的性格或多或少都會賺少錢！所以呢，拎d利是錢去投資一d唔駛理講長遠回報的股票就最適合，千祈咪玩短炒！又或者投資外幣都得！ <br />
<br />
<br />
山羊座 <br />
<br />
咪以為呢位古板穩陣王好識理財，其實山羊座係屬於慢慢累積型，佢搵到舊錢會先解決生活上的問題，例如買樓、娶老婆、照顧屋企人等等，講真仲邊有閒錢投資錢搵錢…想扭轉局面，最好就係將d利是錢買晒高息藍籌，每年自動收下息，咁咪可以有額外錢又用來裝修、畀個仔學琴囉！ <br />
<br />
<br />
水瓶座 <br />
<br />
水瓶座人本身有一定的賺錢能力，對自己好有信心，就係咁或多或少都影響到對駛錢的睇法，所以呢，水瓶座對駛錢唔係太精打細算，對住個賣8蚊的漢堡飽會覺得好貴唔值，但係對住部賣5000蚊的電話又覺得好抵！水瓶座最佳的理財方法係拎d利是錢去買d可以保值的物品，一舉兩得！ <br />
<br />
<br />
雙魚座 <br />
<br />
無可置疑響12星座入面大部分的雙魚座一定係管理財政最差的星座，一係就鍾意亂駛錢，先駛未來錢碌爆晒張咭；唔會亂駛錢呢，都會出現投資失利的情況…最適合雙魚座的投資方法就係穩穩陣陣，利是錢就響大銀行開個定期戶口儲起晒佢，就算息率係低少少都係咁話！<br />
<br />
返回前頁